東網電視
更多新聞短片
馮盈盈VS李佳芯！
藝人馮盈盈與陸永為無綫新劇《智能愛（AI）人》拍外景，他們談談情跳跳舞之際，遇上情敵李佳芯踩場，女強人姿態的盈盈即扮腳傷，要佳芯替她按腳，2女爭風呷醋。返回現實，盈盈與佳芯卻老友鬼鬼，大讚她按腳手勢超掂，不過就擔心自己因拍攝時緊張，弄得雙腳汗濕而出醜。
睇吓盈盈個樣…
好有殺氣！
想食咗陸永咁！
陸永真係好有喜感！
翩翩起舞！
情敵狹路相逢，問到盈盈如在現實生活中發生，她會如何處理：「我冇試過呢啲場面，不過如果發生我會迴避囉，因為唔想正面交鋒！」不過佳芯態度則相反，決不退縮：「力爭到底，搞清楚關係先得，因為要面對件事，又唔係自己問題，不過好彩自己未試過呢啲咁慘嘅情況！」至於被爭的陸永，就有自知之明，笑言自己一定係輸家，所以會第一時間走人。
鏡頭前盈盈好寸！
鏡頭後其實佢哋相處得好愉快～
喺現實中佢哋嘅取態好唔同！
陸永認定輸！
究竟盈盈會唔會爭贏？
