東網電視
更多新聞短片
終於嚟到10強戰，朋友對陣好殘酷呀！
ViuTV話題節目《全民造星III》進入10強爭霸戰。第一輪比賽中，身為好友的顧定軒與葉巧琳被抽中「廝殺」，後者聞訊後心情被受影響，不過一眾評判早已睇好她的唱功，認為「冇得輸」！一如所料，顧定軒表演「唱歌劇場」誠意十足，唱功卻被評判陳柏宇及鄭欣宜狠批，後者更直言：「第一句都聽唔到你唱緊乜。」反觀葉巧琳連唱兩首英文歌，無論轉調、唱功及表情都水準以上，最終5位評判一致按代表她的藍色燈箱，大熱進入10強，輸家顧定軒大方表示：「妳值很嘅。」
顧定軒嘅表演誠意十足！
不過畀欣宜批評：「第一句都聽唔到你唱緊乜。」
葉巧琳事前唔想同顧定軒決戰。
賽前評判一致睇好葉巧琳。
葉巧琳連唱兩首英文歌。
出過碟嘅葉巧琳唱功有水準。
最終葉巧琳勝出。
唔好喊啦！比賽總要分勝負。
至於曾參選亞姐的張右雨亦被抽中，苦戰以往經常同隊的鍾諾言（NY），內心交戰非常，而開戰前已被花姐指「根本唔需要比唱功」，暗寸他們唱功未夠班。右雨以性感戰衣又唱又跳，媚態十足，不過表現略嫌緊張，評判火火直言她出賽時披皮草「做多咗」，有礙發揮舞技，鄭欣宜則指她甫開場的幾吓動作已「輸陣」，反而唱歌之餘要模仿獅子動作的NY雖略有走音，但眼神及動作獲5位評判一致肯定，最終勝出順利躋身10強。
右雨以性感戰衣上陣又唱又跳~
不過評判唔多Buy……
雖然NY要一邊模仿獅子一邊唱歌搞到有啲走音~
但係眼神同動作均獲得評判一致肯定。
最終NY勝出。
贏輸都唔會影響友情。
