《造星III》10強戰 右雨NY遭花姐寸唱功唔掂

2020年12月14日 23:51
東網電視
更多新聞短片
終於嚟到10強戰,朋友對陣好殘酷呀!
ViuTV話題節目《全民造星III》進入10強爭霸戰。第一輪比賽中,身為好友的顧定軒與葉巧琳被抽中「廝殺」,後者聞訊後心情被受影響,不過一眾評判早已睇好她的唱功,認為「冇得輸」!一如所料,顧定軒表演「唱歌劇場」誠意十足,唱功卻被評判陳柏宇及鄭欣宜狠批,後者更直言:「第一句都聽唔到你唱緊乜。」反觀葉巧琳連唱兩首英文歌,無論轉調、唱功及表情都水準以上,最終5位評判一致按代表她的藍色燈箱,大熱進入10強,輸家顧定軒大方表示:「妳值很嘅。」
至於曾參選亞姐的張右雨亦被抽中,苦戰以往經常同隊的鍾諾言(NY),內心交戰非常,而開戰前已被花姐指「根本唔需要比唱功」,暗寸他們唱功未夠班。右雨以性感戰衣又唱又跳,媚態十足,不過表現略嫌緊張,評判火火直言她出賽時披皮草「做多咗」,有礙發揮舞技,鄭欣宜則指她甫開場的幾吓動作已「輸陣」,反而唱歌之餘要模仿獅子動作的NY雖略有走音,但眼神及動作獲5位評判一致肯定,最終勝出順利躋身10強。