驚輸畀劉丹?陳展鵬連續2年缺席台慶有原因

2020年12月29日 14:27
東網電視
更多新聞短片
竟然係驚劉丹多啲!
藝人陳展鵬在將軍澳電視城為劇集《黯夜守護者》試造型,新劇終於與「亞視之友」陳煒、袁文傑聚首合作,他說:「同陳煒喺無綫直情未合作過,今次同佢會有成熟啲嘅感情線。」
展鵬因沒有劇集出街,已連續2年未獲台慶頒獎禮提名,有傳他今年繼續缺席頒獎禮?他說:「未收到公司通知,如果公司想我出席,我都想出席嘅,其實都兩年冇出席。但係因為冇劇出,所以今年都應該唔會,等下年先出。(2年冇劇出街唔開心?)咁又冇,反而係良性,唔好話觀眾,如果1年有3、4套劇出街我自己都覺得攰,角色亦好難有大發揮,我之前就係咁。呢2年畀我靜咗,觀眾可以多啲選擇,公司又可以捧新人,係好事。(好多劇集存貨?)拍埋呢套有4套,希望可以分開啲出。(冇劇出街傳讓路畀王浩信攞視帝?)梗係唔會啦,你問我反而驚劉丹多啲,浩信都攞過啦,佢啲劇都好多觀眾鍾意,自己會支持一啲未攞過嘅演員攞。」
講到被拍得睇中醫被指補腎追仔?他說:「其實啲相係成年前影,只係帶老婆去睇中醫調理身體。(想追仔?)短期內唔會。(使唔使補腎生仔?)唔使,我又唔係話要生好多,順其自然,不過如果要生都可能係呢段時間,唔係生完冇力同佢玩。」