聲夢唱將失手走音　謝嘉怡廣東話唔掂頒獎要出貓

《萬千星輝頒獎典禮2020》現正舉行，四位「聲夢傳奇」參賽者炎明熹、鍾柔美、詹天文、姚焯菲以唱歌形式介紹「最受歡迎電視歌曲」獎，本來都唱得有板有眼，但怎料唱到《小謊言》的高音時勁走音，連陸浩明都忍不住說：「唔好再唱喇！」而該獎項最後由胡鴻鈞憑《凡人不懂愛》奪得，而他一上台亦即跟師妹們打氣叫加油。

《衝上雲霄大選》冠軍麥大力與應屆港姐冠軍謝嘉怡齊任頒獎嘉賓，不懂中文的謝嘉怡，廣東話好像有點退步，頒發「馬來西亞最喜愛TVB女主角」一刻，由於不懂中文要睇寫有英文的貓紙，竟忘了拿真正頒獎的信封，要主持鄭裕玲提醒才雞手鴨腳取回，相當狼狽，她亦不好意思兩度致歉。

另外，王浩信、張振朗、朱敏瀚憑《反黑路人甲》內大玩HeHe情，以大熱姿態奪得「最受歡迎電視拍檔」，三人於頒獎台上互相幽默一番，浩信表示要幫振朗多謝其拍檔「大小姐」賴慰玲：「要幫你多謝大小姐，因為你哋被譽為神鵰俠侶。」敏瀚則表示要感謝浩信及振朗，更對劇中能成為他們之間的「小三」感榮幸。