東網電視
更多新聞短片

《萬千星輝頒獎典禮2020》視帝之爭,賽前喺《使徒行者3》演大反派嘅馬國明放晒風,話攞到呢個獎就會同湯洛雯結婚,雖然唔少人都想佢攞獎加結婚,不過睇走勢都係《踩過界II》王浩信、《使徒行者3》林峯同埋《反黑路人甲》張振朗呼聲最高。最終由飾演「盲俠」文申俠嘅王浩信成為無綫視帝,仲攞埋馬來西亞視帝,雙料封王!計埋2017年攞視帝嗰次,佢就係首次憑同一角色攞2次視帝嘅人,創下電視史上新紀錄。

憑「盲」一角兩次攞視帝。

創先河係第1人。

王浩信爭視帝,陳自瑤(中排中)好似好緊張。
喺致詞時,王浩信除咗感激無綫15年嚟嘅栽培,仲開腔感謝家人:「多謝太太YoYo(陳自瑤)悉心照顧阿女。」但鏡頭一轉影住陳自瑤,佢就冇咩表情!其實,廣告期間全台藝人喺台上等頒劇集獎時,陳自瑤經過王浩信身邊都有主動攬攬對方!

着住銀色Bling Bling晚裝嘅陳自瑤行埋去老公王浩信度~

深情抱抱~

面貼面~

佢哋仲有講嘢喎!

陳自瑤行開嘅時候隻手仲係攬實王浩信。

王浩信致詞話多謝YoYo時,陳自瑤個樣木無表情。
而憑《踩過界II》奪視帝嘅王浩信喺台上未知係咪太興奮,竟然多謝《反黑路人甲》嘅台前幕後!

一晚攞兩次視帝係勁。