700萬起跳！張曦雯睇中新樓盤　即場入票等做業主

新冠肺炎疫情直捲全球，二手樓價有下滑迹象，不過新樓盤卻有價有市！無綫花旦張曦雯（Kelly）最近就睇準時機，?中南豐集團旗下將軍澳日出康城LP10樓盤，忙於拍攝新劇《白色強人II》的她，就趁空檔時間到位於九龍灣的售樓處，雖然戴上口罩，但披住長髮的她很快被認出！

樓盤位置鄰近無綫電視城，可方便返工，Kelly於地產經紀帶領下參觀示範單位，及後還坐低聽詳細介紹，更火速決定入票認購登記。該樓盤間隔2房至4房，實用面積447平方呎至3,928平方呎，亦設部分特色戶，入場費近700萬起。Kelly受訪時直認已入票，笑指鍾情細單位：「如果爸爸、媽媽返香港可以住，樓花冇咁大壓力，抽到先算，十劃都未有一撇，都希望抽中可以多個選擇。」