楊思琦忽然自爆曾受某人傷害：嗰個人係在位者

藝人楊思琦昨晚（21日）擔任網上節目嘉賓，透露早前1位舊同學離世，她忍不住落淚說：「好突然，佢走咗之後，我就收到首《仲夏陽光》，我即刻喊咗出嚟，歌詞就好似講緊我同佢。每晚瞓唔到，佢讀書好叻，係一位兒童心理學家，好值得我學習，佢善解人意、細心、有善心及愛心，對任何人都唔發脾氣，係我一個soulmate。」

不過當話題一轉前度李泳豪時，思琦妹即態度迴避。對於當年未婚誕女，她說自己諗清諗楚，決定獨力撫養，自言好鍾意小朋友，不會因為其他因素抹殺生存權利，現時女兒經已9歲，回想當年誕女後，飽受外界負評，她感慨說：「生完女之後，有啲唔開心，報道指摘我，好痛苦，感情冇對錯，唔知我發生乜事，唔可以評論我決定，每個人做乜係有原因，我好彩撐得住。」

她更爆出當年某人做了傷害她的事情，現在已原諒對方：「佢做過傷害我嘅事。（之後有冇再見佢？）冇，但如果見到可以打招呼。（點解可以原諒？）因為嗰個人係在位者，當其時嘅在位者。」至於細仔父親的身份，思琦不肯洩露半句。

節目播出後，網民紛紛競猜這位「在位者」是誰！