東網電視
更多新聞短片
家人嘅緣分就係咁神奇。
1/4
藝人江欣燕以曙光計劃愛心大使身份出慈善活動，她表示跟該機構甚有緣分：「幾年前我爸爸過身，我就搬番去同媽咪一齊住，我一個人住3間房，睡房、化妝間同衣帽間，但爸爸有好多古董傢俬同花瓶，唔夠位放，我煩惱緊嘅時候，我妹妹搵咗呢間機構，佢哋可以免費搬走啲傢俬做義賣，後來有一次跟無綫去慈善機構拍節目，我初時都冇為意，後來去到佢哋個倉見到啲傢俬咁熟口熟面，仲有我爸爸嘅手寫字條，我即時爆喊，我同個負責人講只要呢個機構有活動，我都會幫手，所以我今日喺屯門拍緊劇我都趕過來。」
講到新年，她坦言除拍劇外，沒有其他公開活動，亦不打算出去拜年：「有時都會感恩疫情，令我多咗時間陪家人，相處係錢都買唔到，不過老人家就慘啲，冇得出去，我媽咪以前都有跳舞同耍太極，佢已經停咗1年。」
江欣燕指早前將爸爸嘅古董傢俬同花瓶做義賣。
點知有次拍節目，竟然見番亡父嘅遺物。
更即時喊咗出嚟。
