東網電視
更多新聞短片
內地影后周迅同老公高聖遠上年年底爆出離婚，之後公開露面時被發現喺鼻樑貼住膠布，由於佢未有解釋受傷原因，令人揣測會唔會同離婚有關呢？而呢個謎題終於喺綜藝節目《快樂大本營》入面解開，竟然係同張床有關真係搞笑！
周迅鼻樑貼住膠布。
主持人踢爆周迅喺床上睇電話瞌眼瞓~
主持人踢爆周迅鼻樑受傷係因為喺床上睇電話，點知瞌眼瞓揸唔實部電話，結果就跌中個鼻搞到出血，在場人士即時望住周迅搞到氣氛有啲尷尬，不過見慣大場面嘅周迅反應好快，連消帶打表示：「就係要提醒鍾意瞓喺床上睇電話嘅朋友們，要小心呀！」
部電話跌落個鼻搞到出血。
全場人望住咁尷尬，周迅都可以輕鬆化解係叻！
而同周迅一齊上節目嘅仲有好友陳坤，佢哋戴住耳機估對方講嘢時，展現出超級默契，陳坤講嘅形容詞，周迅幾本上都估得中，令在場人士嘆為觀止。
戴住耳聽唔到陳坤講乜，但係周迅都可以輕鬆猜到~
一估就中，佢哋啲默契唔簡單。
在場人士嘆為觀止。
當年佢哋係咁嘅樣。
