情侶檔受歡迎 陳豪宣萱怕疫情唔敢有激烈親密戲

2021年02月01日 15:35
東網電視
更多新聞短片
藝人陳豪、宣萱、滕麗名、洪永城等出席無綫劇集《陀槍師姐2021》宣傳,期間分組玩蓮步舞遊戲,當中洪永城孭住鄧佩儀搶Fo,但就搞到面紅耳赤,場面搞笑。陳豪曾於《陀槍》第3輯飾演賊人,如今升呢演執法人員,他笑指當年要應付大量飛車場面,再加上剛加入無綫演反派,沒想過事隔多年終於升呢。而宣萱對於今輯繼續做人質,被網民取笑為「御用人質」,連她也忍不住自嘲:「我都唔記得做咗26、27次人質,今次都係邊拍邊寫劇本,呢個被綁架紀錄保持者都幾特別。(想唔想入健力士紀錄大全?)等過多20年,我做夠50次先啦,不過拍被挾持戲都幾開心。」
談到二人劇中非常搞笑,問到可有感情戲?宣萱表示:「最多只係攬,冇激烈嘅場面,疫情關係大家都好驚,所以親熱戲盡量避開,有啲場景嘅衞生設施比較差,拍嗰時都盡量避免或押後先拍。」而最近搬了新居的陳豪,笑指只是搬到隔離座:「太太搞掂晒,佢真係好叻,除咗湊小朋友,亦打理間屋,其實湊3個小朋友都癲咗。(係咪搬大啲?)係搬大咗。(係咪唔再生小朋友?)都夠啦,見好就收,有意外先再算,唔好絕我後路。(有指你逆市賺過千萬?)最緊要大家開心。」
宣萱也大讚陳豪犀利,惟自己享受單身生活:「本身鍾意獨處,自由啲,湊小朋友我真係冇耐性,依家屋企有4隻狗、3隻貓我都夠,始終養寵物唔使教佢讀書,容易處理。」