東網電視
更多新聞短片

離家來港發展,即使廣東話非母語,仍努力苦練為博出頭天。家鄉蘇州嘅朱晨麗2011年來港參選港姐,初時未識講廣東話,曾遭其他佳麗冷嘲熱諷,最後以「四料港姐」勇奪冠軍,多年來苦練廣東話,近年終於捱出頭,於劇集《特技人》、《大醬園》擔正女一,演技備受讚賞。雖然依家廣東話「辣辣聲」,但係有網民留意到佢最近喺宣傳賀年廣告中,將「各位老闆」似乎講成「鬼佬版」,仍然有啲口音。

朱晨麗因來自內地兼唔識廣東話,參選時遭杯葛。

「鬼佬版」新年?
粗口諧音出事
應屆港姐冠軍謝嘉怡擁有蘇格蘭x香港混血兒,從小於外國長大,為一圓爸爸「港姐夢」,特意返港參選。中文唔精嘅佢初次出席慈善大騷《善心滿載仁愛堂》,可能太緊張忘記台詞,疑似講出英文單字粗口「FXXK」,不過事後佢解釋係「服」字,並非粗口。

謝嘉怡疑似爆英文單字「FXXK」!

練歌練足兩日。
來自湖北嘅星夢靚聲歌手谷婭溦,2014年參加選秀節目《超級巨聲4》奪得亞軍,自爆當時試過將參賽者「李雯希」個名讀成粗口,相當尷尬!多年來努力跟老師學廣東話,私下更咬筷子苦練,依家終於練成一口流利粵語,無論唱歌抑或說話都咬字清晰。

谷婭溦誤將參賽者「李雯希」個名讀成粗口。

跟老師學廣東話兼咬筷子苦練,依家廣東話「辣辣聲」!
台灣代表金剛來港多年,似乎仲未講得流利,當年喺合家歡節目《獎門人》做獎老,經常因為唔鹹唔淡廣東話烏龍百出,為大家帶來唔少歡樂。另外,「長期合作夥伴」小儀爆兩人拍節目《街坊廚神》時,金剛成日發錯音,將「蘿蔔糕」、「炒膏蟹」呢啲字講到好似粗口咁!

金剛於《獎門人》一出場就帶歡樂畀大家,回憶返晒嚟呀~

同小儀合作《街坊廚神》狂「爆粗」!