東網電視
更多新聞短片
台灣藝人林心如斥資2.5億人民幣（約2.76億港元）兼做埋女主角嘅新劇《華燈初上》，拍攝4個月終於煞科，近日於台北某酒店舉行殺青宴，同時補祝林心如45歲生日，一眾台前幕後齊齊玩到凌晨3點幾先離開，相當盡興。
林心如同劇組飲足8個鐘，非常盡興。（圖：時報周刊CTWANT）
作為主人家嘅林心如期間不時與大家敬酒，飲酒飲足8個鐘，老公霍建華全程陪住老婆做「貼身保鏢」，就算林心如飲多都唔使擔心。而劇中飾演「媽媽生」嘅楊謹華特別豪邁，高舉酒杯同大家乾杯，酒膽十足。而郭雪芙與謝欣穎酒量亦唔淺，乾完之後，林心如、修杰楷、鳳小岳等齊齊拍手起哄。相反，做「跟得老公」嘅霍建華就較為安靜，大部分時間自己坐喺位，面帶微笑望住大家飲酒，只係間中同修杰楷閒聊兩句。離開時，林心如腳步浮浮，一度向老公伸手示意要拖手，似足小情侶一樣，而霍建華相對好清醒，護住老婆返屋企，再次打破婚變傳聞。
楊謹華戲裏戲外都咁豪邁！（圖：時報周刊CTWANT）
修杰楷見到霍建華自己坐埋一邊，主動搵對方閒聊。
霆建華做貼身保鏢陪住林心如。（圖：時報周刊CTWANT）
林心如伸手要老公拖手，好sweet呀～（圖：時報周刊CTWANT）
郭雪芙（右）等人凌晨3點散band。（圖：時報周刊CTWANT）
