情人節驚爆誕女！陳法拉晒BB手宣布做媽媽

38歲嘅女星陳法拉突然喺今日情人節宣布誕下女兒！一直都冇透露半點懷孕消息嘅佢上載兩公婆同BB手仔合照及喺海邊影嘅大肚相，留言：「十月懷胎真是不容易，但由看到她的那一刻開始，就覺得甚麼都是值得的。我們滿心歡喜地開始做新手爸爸媽媽喇！」並透露囡囡叫「小米妮」！

喺外地誕女嘅法拉接受東網訪問時表示：「『小米妮』喺鼠年尾出世，順產，母女平安。似媽咪有很深的小梨窩。感謝大家的祝福，新手媽咪，所以也很忙，希望有機會盡快同大家見面。也祝大家牛年身體健康。」曾同佢合作無綫劇《公主嫁到》嘅鍾嘉欣都留言祝賀，佢受訪話唔知法拉佗B，好戥佢開心，相信佢係好媽媽，仲祝福對方喺人生另一個階段會有更多嘅愛同歡樂！

好友馬浚偉都好開心：「啱啱先知，見到法拉生活得開心最緊要，搵到自己心愛嘅人同埋有埋BB，好戥佢開心，疫情後大家再見！」