林鈺洧北上「交人」　約熟男撐枱腳

80年代當紅小生林俊賢，與愛女林鈺洧（Denice）分開過十幾年，相認後關係看似疏離，但實質感情要好，還趁新年「排除萬難」見面！

Denice最近與模特兒公司完約，趁空檔北上探望長居惠州的爸爸。由於疫情關係，她要先到上海入住酒店隔離，回港前又要在廣東省逗留。林俊賢見到愛女非常開心，由朝到晚撐枱腳，又齊齊扮鬼臉合照，十分搞笑！

甘受「隔離之苦」

對於為見爸爸而受「隔離之苦」，Denice笑說：「咁啱我有個朋友嚟內地做嘢，會去幾個省，我見成年冇出走又得閒，就跟埋嚟玩，去咗廈門、番禺、中山、深圳，喺唔同地方見唔同朋友。（幾耐冇見爸爸？）佢長住惠州，有戲拍就拍，屬半退休，佢都啱啱拍完一部戲。其實我每年至少去探佢一次，同佢慶祝生日，上年疫情冇返，今次當補番。（好掛住佢？）我哋關係一直好穩定。」她此行還認識了不少新朋友，感覺很友善，但沒有傾工作：「今次純粹玩，遊山玩水！」