順利度過「七年之癢」!陳豪預告還陳茵媺自由

2021年02月16日 21:30
東網電視
更多新聞短片
陳豪就快要到內地拍劇,逗留個半月拍攝《白色強人II》。
視帝陳豪「家庭暖男」形象深入民心,提到稍後因工作要多月與家人分隔兩地,令他憂心非常。一直忙於職場拚搏的他,感激太太陳茵媺(Aimee)甘願為家庭作出犧牲,他還預告會「還她自由」,讓太太全面復出幕前!
陳豪與太太Aimee順利過度「七年之癢」,一家五口幸福爆燈。身為「住家男」的陳豪談到農曆年後的工作,即無奈表示:「首要係3月頭出發返內地隔離,逗留個半月拍攝《白色強人II》,即係話太太生日、自己生日同囡囡生日都唔能夠一齊慶祝,好彩二仔生日我仲未走囉!」難怪他表示再忙都會親自去揀選禮物:「走之前會送,返嚟又會送,最緊要佢哋(家人)開心。」
陳豪家有靚靚老婆,而且不是「虛有其表」,每當談起Aimee他都大讚對方稱職能幹,是名副其實的Superwoman!他冧爆謂:「我開工根本幫唔到手,得佢一個壓力無疑大啲,湊住小朋友之餘仲一手包辦搬屋、辦年貨等等,屋企鑽牆、砌傢俬佢全部一腳踢,我都係Superman,係Super lucky man。」
當初Aimee下嫁他時,正值事業高峯期,「停賽」多年難免令人覺得可惜,陳豪認同謂﹕「所以我都覺得佢係時候出嚟拍番嘢嘞,況且依家劇集需要咁多演員。其實TVB一直都有搵佢,我絕對支持佢追尋自己嘅夢想,佢係好好嘅演員,唔好嘥咗佢。而最好梗係佢開工時我唔使開、我拍嘢時佢就休息,但知道現實冇咁理想。(介意同場演出?)呢樣又冇乜所謂,只係唔想演情侶囉,要顧吓觀眾感受嘛。」
談到其主演新劇《陀槍師姐2021》正在熱播,陳豪坦言除角色設定及劇情印象深刻外,長達半年的拍攝期亦相當難忘:「開鏡後經歷咗幾波疫情,我哋又咁大班人開工,最終都喺大家注意個人衞生下順利煞科,而且零感染,呢樣好值得慶幸。」
服裝提供:中藝