東網電視
更多新聞短片
《愛．回家之開心速遞》尋日又有驚喜！尋晚一集「賣安求榮」，講熊家想「金城安」周嘉洛過繼畀莊遜夫婦，周嘉洛過繼之後可以繼承佢哋兩夫婦嘅農莊，令到周嘉洛以為熊家想賣佢攞着數，令佢非常傷心，佢爆喊簽約，眼淚啷啷吓，幾咁好戲！
周嘉洛大晒演技！
亞姐王瑋、紀保羅飾演莊遜夫婦。
啲眼淚啷啷吓！
真係演技大爆發！
有冇滴眼藥水先？
另外，飾演莊遜夫婦嘅原來係紀保羅同埋亞姐王瑋，網友見到佢哋都大嗌有驚喜！紀保羅係美國人，講到一口流利廣東話，喺80年代開始擔任特約演員，佢最為人熟悉嘅要數到佢喺《大時代》飾演賀新一角。王瑋係1991年亞姐第五名，佢拍過唔少電影，最多人有印象，就係佢喺電影《賭俠》度餵周星馳食麵，佢就係企喺星爺隔籬嗰個性感女郎！
紀保羅、王瑋客串《愛．回家》，網友嗌有驚喜！
紀保羅（左）喺《大時代》飾演賀新。
呢一幕，大家實記得啦！
