夫妻檔拍真人騷?林峯拖實老婆嘴角含春勁興奮

20210224
東網電視
更多新聞短片
今年首以爸爸身份過新年嘅林峯,轉戰大陸多時密密搵奶粉錢,而老婆張馨月就專心相夫教女,一家三口幸福滿瀉!最近就有網民捕捉林氏夫妻現身酒店,林峯一手拖住老婆,另一隻手就拖住行李,兩公婆仲手揈揈咁好Sweet,十足大細路勁興奮,春風滿面!
而近日就有指佢哋會夫妻檔拍攝大陸真人騷《妻子的浪漫旅行5》奉旨晒恩愛,事關大陸女星謝娜懷第2胎,唔能夠繼續做團長,所以邀請咗林峯佢哋參與。此前,一班港星蔡少芬、楊千嬅同袁詠儀等都有參演過,製造過不少熱話,網民都話估唔到佢哋突然變得高調,紛紛表示好期待呀!