同Baby同場零互動！黃曉明一個甜蜜舉動獲網民激讚

尋日生日嘅Angelababy（楊穎）同老公黃曉明喺內地晚會節目上，難得一同公開現身，但全程零互動，再成為城中熱話，婚變傳唔停！不過有網民就影到當Baby同一眾女星上台拎獎後，被要求攞住絲巾行Catwalk時，坐喺台下嘅曉明默默睇完其他女藝人表演，聽到主持人叫Baby後，立即用電話拍攝，雖然戴上口罩，但露出笑眼，被網友大讚好有愛，認為婚變傳言不攻自破，「傳言真的不可信」。

而當時喺台上嘅鄧超就回應網民訴求，喺網上晒出Baby嘅片段，網友都大讚「Baby真的怎麼拍都好看，360度無死角」、「笑起來太甜了」！壽星女Baby更獲唔少同場女星邀合照兼送祝福，包括楊冪及倪妮等都喺社交網晒合照。而曉明雖然影低老婆「跳舞」，但就冇同網民分享，反而上載黃子韜及王一博喺台上玩小賽車片段。