棄用替身！羅子溢拗完柴負傷拍攝急送院

藝人羅子溢為人父後，對自己工作更見認真。早前他拍攝電視劇，為其中一場動作戲埋位時不慎受傷，但為拍出滿意效果，竟負傷完成一切，結果搞到傷上加傷，最終要送院睇急症！

談到受傷經過，子溢表示：「劇情交代我喺斜坡上畀拍檔海俊傑追。本來工作人員都問我需唔需要替身，但我覺得自己應該都做到，點知斜坡比肉眼望落更加斜，一個唔小心踩錯高低級就拗柴囉，不過我覺得呢take幾好，所以冇出聲，完成晒先同劇組講，當時一望腳眼已經腫到好似雞蛋咁，真係有啲恐怖。」

留守現場作簡單治療後，劇組以防萬一，最終送子溢往醫院作詳細檢查：「好彩冇咩事，休息咗兩日就如常開工嘞。工作人員都好體貼，復工嘅初期安排我拍文戲，唔使郁得咁多。」

而近日忙於拍攝劇集《家族榮耀》香港部分外景的他，與拍檔張智霖相當啱傾，故月尾殺青時，他打趣擔心「唔捨得」。