收入媽咪管　呂慧儀獨力湊仔有壓力

藝人呂慧儀到將軍澳電視城出席《愛．回家之開心速遞》之「『開心』福滿來」活動，講到今日適逢「驚蟄」，她笑言冇想「打小人」的衝動，但如果打就打疫情：「因為少咗出面啲job，之前啲annual dinner冇晒，又冇得聚會。（少咗幾多收入？）冇計呀，收入媽咪管，我唔敢睇，睇到會好有壓力，哈哈。」

問到現時可是變相多了時間陪囝囝？她坦言：「都係，晚晚同佢講故事，同埋依家變咗上門補習，穩陣啲，但當然就會貴啲，所以要努力賺錢啦。」她又笑言：「我唔喺屋企時，囝囝做晒功課之後可以玩同睇卡通片，佢試過叫我唔好咁早返嚟，因為佢可以睇耐啲電視呀嘛，激死我！」但她都讚囝囝乖，會做晒功課先玩。