李麗珍24歲女兒蛻變氣質女神　經理人公司爭住簽

女大十八變，絕對可以用喺李麗珍女兒許倚榕身上，有別於媽咪靚足咁多年，現年24歲嘅倚榕於2016年準備飛往加拿大升學前，仍然係外表平凡嘅女仔，不過小鴨變天鵝，如今佢愈來愈靚，仲要係有氣質嗰隻，成為朋友間嘅風頭躉。

倚榕係李麗珍同許愿所生，細個似足爸爸，自到加拿大讀書後，愈來愈識打扮！佢經常喺社交網開心Share自己生活日常，朋友多多，好受歡迎。依家氣質出晒嚟，連李麗珍御用髮型師Daniel，都稱佢為「星二代女神」！

倚榕畢業後返香港工作，據知有唔少經理人公司都想簽佢，但佢對娛樂圈冇乜興趣，而媽咪李麗珍亦唔太想阿女入行。