鍾意馬國明啲乜?湯洛雯爆同蔡思貝成日講鹹濕嘢

2021年03月29日 22:04
東網電視
更多新聞短片
今集「繽FUN Live」請來了無綫花旦湯洛雯(靚湯)任嘉賓,與主播俞詠文、陳振安暢談,二人以「完美老婆」形容她,期間老友高海寧(高Ling)、蔡思貝殺入睇直播並留言,令網民驚喜不已。
靚湯大爆高Ling及蔡思貝的秘密,指高Ling天生豐滿身材,根本不用操練,雖然喜歡食嘢,但只肥在「對」的地方,反而自己就要進行「168斷食減肥法」,笑言深受打擊。她說與思貝則因為拍攝劇集《機場特警》變得熟落,她大爆於拍劇時她們經常講「女仔鹹濕嘢」,搞到同劇的張振朗好尷尬。
之後其閨蜜團「2 LINE黨」的成員除了蔣家旻外,張嘉兒、朱千雪及岑杏賢均有「現身」留言及爆料!日前她們網晒聚會相,相中的朱千雪被指有孕味疑似有喜,靚湯借機幫她澄清:「佢唔係生BB呀!其實係因為我嗰次冇出席,所以佢坐咗我個位啫!講真,佢張相點會肥呀!」靚湯咁識講嘢,千雪即留言:「thank you Rox!」不過佢隨即同嘉兒爆靚湯是「Ditch Queen」(放飛機天后),指她經常爽約放飛機!
靚湯即解釋:「我係一個非常黐家嘅女仔,突然覺得屋企最好嗰陣,咁就唔想出街,簡單嚟講係放飛機,尋日我同高Ling去行山,我差少少就放咗(飛機),(點解?)尋日好熱呀!」她更被網民改佢花名做「飛機雯」。
靚湯續指在「2 LINE黨」中,自己是5位成員入面最蠢的一個,嘉兒卻留言指靚湯經常會給人驚喜,靚湯謂:「我好鍾意送驚喜畀人,生日、求婚Party,有幾個朋友都搵我搞求婚Party,好想幫人留低美好回憶,自己會搞好多布置,所以我覺得自己好適合做Wedding Planner!」
她又大爆蔣家旻深不可測,靚湯笑謂:「大家討論問題時,佢就不停話:『係呀?係呀?』但永遠自己唔講自己啲嘢,佢個人好決絕,大家問佢:『你同男友點呀?』佢話:『吓!分咗手喎!』佢係分手要狠同冇感覺嘅人。」她又指不會把情感收收埋埋:「啲朋友成日話我戲子上身,如果開心會表露晒出嚟,唔開心就會呼天搶地,但第二日就冇嘢,情緒爆炸時會係咁同阿妹、媽咪講,我會同『姐姐』講,成家人最肯聽我講心事嘅係佢!」
直播期間玩遊戲時,播出靚湯與馬國明合作劇集《心理追兇Mind Hunter》的片段,要求她估當時所講的對白,不單全部過關,對於曾表示該劇乃重演以來咀得最多的作品,她說:「都係呢套多,(接吻)長度就係《失憶24小時》,難度同Shaun(譚俊彥) 高啲,同馬國明只係蜻蜓點水,Shaun係擁吻,開頭拍以為係普通kiss,導演又唔叫cut,後來Shaun一吓反我落梳化度先Cut到,(點解咁記得同男友嗰段片段內容?)因為呢排好多人tag我哋。」
而網民問她喜歡馬國明那一點?靚湯即時冧笑,指男友專一之餘,亦係全電視城最靚仔:「佢個人好有責任感,答應你嘅一定會做,(呢啲人好悶?)因為我唔悶,一凹一凸先好,佢會不停聽我講,(咁馬國明唔鍾意你啲咩?)好多,佢有強迫症好整齊,有時我有啲無理取鬧,不過真係我錯嘅話,事後會講對唔住,(之後會整齊少少配合男友?)有時去佢屋企會盡量執好啲嘢,去完toilet會將啲嘢放原位,唔想郁太多嘢。」
期間靚湯接受「完美情人」心理測驗,大談與男友馬國明相處之道,表示平時也會向對方撒嬌,亦不時向對方說「我愛你」,雖然有情侶物品,但就不肯透露半點。