蕭亞軒晒自拍繼續遮樣　網友質疑未好番

早前有傳台灣歌手蕭亞軒及其男友黃軒被家中愛犬咬傷，有人更目擊他們雙雙到台北醫學大學附設醫院睇急症，有傳女方右面傷勢嚴重，並喺本月23號已經出院。被狗咬一事，令成班粉絲非常緊張，而蕭亞軒日前已開始上載自拍照向大家報平安，不過全程戴住口罩，一係用蛋糕遮住個嘴，暫時未見到佢「全相」，冇正面照！

今日佢再度喺社交網上載最新自拍照，依然冇「全相」，用個唇型紙牌繼續遮住個樣，加上佢連日嚟都冇正面否認被狗咬，所以更令網友引起熱議，質疑佢真係出咗事兼仍未好番。