東網電視
更多新聞短片
台灣天王周杰倫（周董）舊愛侯佩岑與老公黃伯俊及母親林月雲，亮相內地綜藝節目《婆婆和媽媽2》，除咗林月雲重提做小三情史引起熱討外，喺最新一集中，侯佩岑同老公管教兒子翊恩嘅方式亦引起關注！
阿仔翊恩嬲嬲豬！
兩公婆帶仔仔上劍擊堂，喺進行練習時，翊恩覺得劍太重，侯佩岑就畀翊恩先休息，不過黃柏俊覺得呢種練習本來就會比較辛苦，需要付出努力，希望仔仔繼續堅持：「翊恩你可以嗎？既然我們都來了…」又示意仔仔起身練習，但此時翊恩面都燶晒兼嘴藐藐，侯佩岑就叫老公唔好逼佢！
兩夫妻意見極大分歧，成為磨心嘅翊恩就突然投入媽咪懷抱大喊，仲話：「爸爸對我兇！」而侯佩岑就為老公護航，黃柏俊就解釋「沒有對你兇」，只係希望佢好好練習。其後，侯佩岑叫老公「鼓勵跟督導都同步」，黃伯俊都自我檢討，直言的確太嚴格，往後會多鼓勵仔仔，最後一家人開開心心練習，大團圓結局！
侯佩岑話畀個仔休息！
翊恩藐到行…
點知…
黃伯俊表現無奈！
阿仔投訴！
兩人嘅教育表現有人大讚：「沒看到分歧，一唱一合，一退一進，爸爸媽媽如此雙劍合璧的教育方式最好了！」、「我竟然覺得黃先生真的很不錯！」、「嚴父慈母！」但亦有人覺得侯佩岑太縱個仔！
侯佩岑做慈母？
有商有量！
咁咪幾好！
