闊別10年再合作 JW衛蘭任《聲夢》導師

2021年04月02日 20:13
東網電視
更多新聞短片
歌手JW(王灝兒)及衛蘭(Janice)為無綫新歌唱比賽《聲夢傳奇》擔任導師,講到她們繼合唱《男人信什麼》後事隔超過10年再合作,2人大感期待又開心,問到導師之間會否Battle?JW笑說不知道,今日主要來揀選學員入隊:「見到啲參賽者好細個,但好大膽,我細個都有參加歌唱比賽,不過14、15歲嗰陣嘅自己唔大膽,享受唔到唱歌。(唱你啲歌會加分?)唔會,因為我好熟自己啲歌,揀我嘅歌唱會開心,但同時都好戥佢哋擔心,反而唱男歌手嘅歌係會好啲。」
Janice就覺得風格最重要,切忌模仿主唱的歌唱Style:「透過節目真係學咗好多嘢,都留意番自己嘅演出。」她們又否認是嚴師:「會體諒佢哋、想佢哋做得好,始終都係新,會想同佢哋分享我哋識嘅嘢。」JW接謂:「我唔係最專業嘅歌手,冇話要教授啲咩技巧,但我識得聽。」講到有網民將《聲》跟ViuTV《全民造星》做比較,JW表示:「全世界都有好多平台搞歌唱比賽,係件好事。」
另外,提到許廷鏗離開華納,前同門歌手Janice指跟對方不太熟,只形容為同事關係:「希望佢揀之後嘅路會開心。(佢回復自由身後多咗嘢做,你覺唔覺得自己少嘢做?)咁我背後都做緊好多嘢,雖然呢幾個月冇嘢出,但其實係儲緊子彈。(會唔會想做啲有錢搵嘅工作?)有機會都想嘅,但眼前做好自己啲嘢先。」