Face To Face成員吳少芳離世!終年54歲

2021年04月12日 09:37
東網電視
更多新聞短片
昔日樂壇組合Face To Face成員吳少芳(Jodi)離世,終年54歲。其社交網專頁寫上:「各位Jodi親愛的朋友,Jodi已經回到天家,多謝大家一直對Jodi的關愛。」其昔日拍檔蔡惠玲(Connie)回覆東網表示:「離苦得樂,Jodi主懷安息。有心!」據知,Jodi是患上骨癌,且癌細胞已擴散到其他器官,故身體相當虛弱,不過她相當正能量,在朋友面前仍然撐住,免朋友傷心。跟Jodi相熟的DJ李志剛,對於好友病逝,他無奈說:「上星期見過佢一次,佢身體好弱但鬥志力好強!」
李國祥:好傷感!
認識Jodi長達30年的歌手李國祥受訪時表示:「我知呢個消息,好傷感,因為佢屋企附近裝修,所以搬咗去酒店休養,我同幾個圈中朋友探佢,佢因為腰骨痛,要瞓喺床度同我哋傾偈,佢當時都講到嘢嘅。」國祥又指和Jodi差不多一個月就聚會一次,雖然她身體不便,但意志力超強:「我哋遇到咩唔開心嘅事時,佢都會鼓勵我哋,仲諗啲遊戲同我哋玩,佢嘅正能量鼓勵咗好多朋友。」問到和Jodi之間最難忘的事?他表示:「佢出事嗰日就係我生日,所以之後我冇再慶祝生日,記得嗰日我哋一齊喺電台做嘢,但等咗佢好耐都唔見佢嚟,之後就佢發生咗事,我嗰時真係接受唔到,因為佢係我好親近嘅好朋友。」
終身輪椅為伴
Jodi於1992年與當時經理人駕車返回將軍澳寓所,在距離寓所還有3分鐘車程的地方與一架泥頭車相撞。這次撞車令她四肢癱瘓,其經理人亦逝世,Connie在事故後宣布退出,Face To Face亦隨之解散。
研製辣醬闖名堂
而Jodi在ICU住了5個月,之後再接受8個月康復治療。雖然終身與輪椅相伴及只得左手的手指可以郁,但她仍堅持夢想:「我想人生活着,除了手腳能動外,腦袋仍可很靈活。」然而煮嘢食是她最大樂趣,她之後更研製辣椒醬,以12款香料製成,還推出自家品牌。
Face To Face於1990年出道,歌格調走柔和風,音樂類型亦多樣化,在當年頗受歡迎,作品《一些》、《蝶夢》和《情迷Milano》亦為人熟悉。