【人生短跑】廖啟智輸在起跑線 贏在終點時

2021年04月20日 14:19
東網電視
更多新聞短片
廖啟智不敵癌魔離世,終年67歲,今日在聖安德烈堂舉行安息禮。太太陳敏兒的花圈放在智叔遺照旁,花圈寫上:「給我的最愛啟智 天國永生 永遠愛你 妻敏兒」。
安息禮派發智叔的紀念冊,更節錄了智叔2008年演出舞台劇《相約星期二》的對白,「如果你嘅人生,將其他人擺喺首位,不斷製造美好回憶、奉獻自己,咁就算你死咗,你都唔係真係離開,你仍然活喺每一個你曾經感動過嘅人心裏面......」是智叔一生的寫照。
紀念冊上寫有智叔的人生,以「人生短跑」為題,智叔對戲劇的興趣,是因為看了跟他同年齡的馮寶寶演出,燃點了對演戲的一團火。又講到他曾投考第6期演員訓練班,但不被取錄,他屢敗屢戰,最後成功考上第8期訓練班,展開了他的演藝人生!
智叔年輕時經歷過不公平待遇,他對歧視十分反感,1984年時他接拍一部中港劇,當時大陸演員必須刮光頭演清裝,而香港演員則不用,智叔十分抗拒,最後把自己的頭剃光!智叔重視平等,從來不稱群眾演員為茄喱啡,尊重每個人的演出。
智叔最愛的電影是《籠民》,因電影帶出了社會問題,智叔說過:「劏房是香港人的恥辱!」過去兩年,香港面對經濟困局,作為業主的智叔,他減租、免租,與大家共度時艱。智叔40年的演藝生涯,拍了電影92部,劇集110部,舞台劇21齣,教學超過10年,為演藝圈奉獻一生!最後紀念冊寫上:「啟智這場人生短跑,輸在起跑線,贏在終點時。」
安息禮於下午2時半開始,2位兒子文哲、文信負責吹口琴,一班教友包括張崇德、劉美娟等負責獻唱,將《友誼萬歲》重新填詞,智叔的白棺頂舖滿白鮮花,氣氛傷感而不失溫馨,接着播放智叔生前回顧短片。
敏兒分享時,透露當年他們曾請兩個月假,孭背囊去歐洲廉價旅行:「點知計錯數,佢要買張單程貴機票,趕返香港開工,我就等3個鐘,繼續搭平機票返香港,佢入閘前掉轉頭望我,喊咗出嚟,我亦忍唔住,流淚眼對流淚眼,好彩冇人問我哋係咪因為移民。」智叔於病榻上亦十分牽掛家人,遺憾自己未能將家庭責任堅持到最後,敏兒表示:「不過我想講,你做咗好多嘢,成就咗我哋。疫情期間我哋關係更親密,有計劃過疫情過咗去邊度玩,你話要返內地遊歷名山大川,依家『中國夢』冇法完成。」
文哲緊接發言,坦言與父親因性格相異,曾一度懷疑彼此的愛,但每次自己由澳洲讀書返港,智叔都會親自接機,爸爸面上的笑容令他重新感受到永恒的愛:「細個時我要求自己返學,佢擔心但尊重自己嘅決定,但原來佢有幾次偷偷跟喺我身後,確保我嘅平安,佢對我嘅愛接近沉溺程度!」文信亦表示自己從事製作後,不時問父親意見:「我哋會喺屋企電視機,播我拍嘅片嚟討論,多謝你嘅意見。喺醫院時我讀故事畀你聽,你教我抑揚頓挫,成為咗我哋之間嘅新活動。」
敏兒再表示2006年文諾離世時,他們一家製作了一首歌《天家裡》,智叔離世前每天都會聽,亦吩咐他們於自己安息禮上播放。文信又表示:「佢好鍾意舞台劇《相約星期二》,係講位身患絕症嘅教授生前自行搞喪禮,想聽朋友同佢講最後嘅說話,於是佢都要求我哋咁做,我兩兄弟同媽媽分別寫信畀佢,媽媽又搵咗朋友錄啲說話畀佢聽,佢知道好多人錫佢。」敏兒再次感激所有人對丈夫的關愛,令他再次「得獎」,智叔在世的「漂亮一仗」已經打完,期望他在天家與文諾相聚。