李璧琦新歌教學會放下　迎接新人生

熱愛唱歌的李璧琦（Becky）推出新歌《記憶的碎片》，是她主演的電影《等一個擁抱》歌曲，也是她與音樂監製徐偉賢的第2次合作。

她透露歌曲錄製是拍完電影後進行，因為戲中角色及情節令她有深深的體會，感情演繹上更加恰到好處，她說：「我對上一次同徐偉賢合作係2016年，我同佢都係唱古典音樂出身，大家有共同語言，佢明白我遇到嘅一啲困難，好準確同深入到話我知點樣可以令到我做到佢心目中想要嘅效果，所以我好感恩遇到一個溝通得咁順暢嘅監製。」

Becky希望這首歌能夠帶給大家新的人生，她說：「每人都難免有啲唔愉快嘅經歷，有人選擇一輩子隱藏或者逃避某啲人同事，但如果能夠鼓起勇氣面呢啲記憶嘅碎片，不論決定放棄、或者修補關係，已經係人生成長嘅一大步，希望大家能學會坦然放下，迎接每一天嘅美好。」

她計劃今年能發行3至4首歌，並透露將和一位電影配樂的大師及朋友合作，正在等待歌曲創作，同時，她亦認識一位美國的音樂監製，希望可以做一首節奏感及感染力強的歌曲。