擲6位數開舖!湯怡講明順產唔打針

20210504
東網電視
更多新聞短片
腹大便便的湯怡宣布於本月底,成立自家品牌「KAKAchevve」烘焙店實體店及網店,她透露於中學時期已對烘焙有興趣,年前有意到日本深造甜品課程,奈何因疫情暫時擱置,至後來懷孕,於老公麥秋成鼓勵下實現夢想,投資6位數字開店。
身為準媽媽的她,花了幾個月研究麵包、曲奇及蛋糕款式,雖然身體開始易攰,但仍堅持每日落手落腳整餅,她說:「我七月預產期,依家會有啲攰,所以整粉漿時會企吓坐吓,每朝10點左右開始整,盡可能整到10幾個,因為生產力愈來愈低。(老公有冇做白老鼠?)佢食芝士會嘔,試過叫佢試味變晒樣,但我最叻整芝士蛋糕。」
距離預產期還有兩個月,她表示現時每日也會進行胎教,彈鋼琴及給胎兒聽歌,BB也有踢肚互動,更指日內會影大肚寫真留念。問到懷孕後口味有否轉變?她說:「我鍾意食炸嘢同埋辣嘅嘢,但有時因為皮膚敏感要戒口。(你肥肚唔肥身!)平時有做拉筋動作,不過為免老人家擔心,所以冇做倒立瑜伽。」更指懷孕後變女王,老公除了為她安排時間表,還不時幫她按摩。問到選擇開刀還是順產?她說:「順產,會選擇唔打無痛分娩針,因為想經歷吓嗰種痛楚。」