蝦頭被愛貓襲擊險盲　眼皮留血痕

有時動物發起脾氣上嚟，真係估佢唔到，好似姚子羚同蕭亞軒都試過被自己愛犬咬險毀容，但作為負責任嘅主人，佢哋仍然對愛犬不離不棄，癡心一片！

而身為貓奴嘅蝦頭（楊詩敏）都畀愛貓襲擊，眼皮受傷險盲，佢將受傷照片放上網同透露受傷過程：「凌晨瞓瞓吓覺，我隻愛貓應該突然受驚，狂逃之際抓到我.... 唔講流咗幾多血同幾乸痛，總之係好好彩嘅..... 我係合埋眼瞓覺嘅，得一條抓痕，亦都唔係喺塊面度，係需要啲時間康復， 人生第一次破相，好似有啲啟示 大家都要健康平安喔。」大批粉絲立即留言慰問，而歐瑞偉就幽默留言安慰蝦頭：「隻眼唔使割，又可以大（啲），靚D（啲）喎」