母親節報喜！岑杏賢宣布懷孕5個月

藝人岑杏賢去年成為人妻，早前消失於無綫處境劇《愛．回家之開心速遞》演出，即時被傳懷孕，但她一直沒有正面回應傳聞。

今日趁着母親節，她終於在社交網報喜宣布懷孕，她留言：「對的！今日主角係我...肚?（裏）面五個月的BB，我同老公等待做好BB詳細檢查，知道各方面一切正常，先分享呢一份喜悅！一日未真正當媽媽，都未能夠體會到由懷孕開始，心態上、身體上帶來的各種變化！呢一份奇妙旅程，好多謝我媽媽，妳（你）絕對是我最大的榜樣，最大的驕傲！未來日子，還有有很多東西向妳（你）學習，向吾（唔）同媽媽學習！YES！I am ready，We are ready！」

她晒出與老公的合照，見懷孕五個月的她明顯凸肚，更獲老公錫錫額頭，十分溫馨！網友們紛紛留言送上祝福。

「2LINE黨」好姊妹蔣家旻受訪時表示：「好替佢開心呀！原來佢今日宣布，今朝好早開工，我一早祝佢母親節快樂，係佢做媽媽嘅第一個母親節。佢之前有同我分享照超聲波睇BB嘅事，Send相畀我睇，令我覺得BB生命好奇妙，我收到消息時係非常替佢高興兼感動！我知佢口味變，想食濃味嘢同甜嘢，前排都有見過佢，但呢排我忙拍劇，自己連母親節餐飯都未請媽咪食，所以等我有時間我會買甜嘢請佢食。」問到會否做契媽，她笑言：「我唔識照顧BB，所以唔做契媽喇，做佢好朋友比較好啲，做契媽有半個媽媽嘅責任，我真係未Ready做媽媽，同BB玩吓就算喇！」

而朱千雪表示：「戥佢好開心呀！知道佢好鍾意小朋友，知道佢一定會係一個非常之好嘅媽媽！」湯洛雯透露早就知道岑杏賢懷孕，她說：「希望BB快高長大，我都未知BB係男定女，最緊要健健康康，開開心心。」又向朱千雪催生B！

而岑杏賢接受東網訪問時表示：「依家佗住BB心情係好開心，日日摸住個肚一日比一日大，呢幾日特別感覺到佢郁郁吓，感覺好特別！最初懷孕有口淡淡有嘔有暈，特別鍾意食糖，但要盡量忍口！最特別係我唔食得辣，但頭3個月有試過煮辣麵食，經歷頭3個月之後依家就舒服，時時坐唔定要老公帶我周圍去，性別我同老公都知道，不過未同姊妹透露，可能下次見面話畀佢哋聽！

而她接受無綫娛樂新聞台訪問時，表示BB是母親節禮物，非常有意義，講到為何選擇在母親節宣布喜訊，她解釋說：「因為啱啱先照晒詳細結構，BB一切正常，所以先公開。」又指今胎是計劃之內，非常感恩，很期待B出世一刻。