腳傷休息逾3個月！黃婉恩終於復工即去訪問歐陽震華

因腳傷而休息咗3個幾月嘅黃婉恩（Yancy），終於喺日前復工，重回無綫娛樂新聞台主播崗位，復工首項任務就係去熱播劇《伙記辦大事》嘅宣傳活動訪問歐陽震華，Yancy事後出Post大讚對方親民又幽默，但仲自爆喺復工前一晚緊張到冇覺好瞓，因為好擔心會唔記得晒點做主播：「起身依然緊張，好在返到公司，大家都超熱情歡迎我開工！」

而其實Yancy喺休息嘅呢段期間，有把握時間去學普通話，自我增值同時又為開工做足準備，所以正如佢自己所講：「之前嘅時間唔係白白浪費，每日努力進步中，我會繼續努力！」