【分享溫馨哺乳照】岑麗香宣布細仔出世：雙倍的愛！

今年2月宣布再懷孕的岑麗香，今日在社交網晒出餵母乳照片，宣布B仔「小腰果」已出世！香香留言：「Double trouble, double love（雙倍困難，雙倍愛）#小腰果多多指教」相中的她一邊抱住細仔，另一隻手揸住一個奶樽餵大仔Jacob飲奶奶，畫面非常溫馨！而剛剛出世不久的小腰果頭髮濃密，非常可愛，做了哥哥的Jacob就睡在細佬身旁非常開心，相當融洽！

而香香老公Joshua亦上載幾張靚相，再做爸爸的他開心得高舉細仔！並透露囝囝英文名叫Julius Samuel Ngo，特別用上爺爺名字，出世時就重3.02公斤（約6.65磅），勞苦功高的香香身體都復原得很快！

香香接受東網訪問時難掩喜悅，不時冧爆甜笑，她先多謝大家祝福，透露已經回家休息，母子平安，而大家可以叫囝囝做「BabyJuJu」，Jacob都好開心，因為她一早預備了禮物代弟弟送給他，這份禮物是Jacob一直很想要的顏色筆，最後她表示遲一下再跟大家見面！而好姊妹王君馨都相當開心，受訪時表示：「我哋知道呀，戥佢好開心！我諗都等佢坐完月先，依家疫情比較危險，我哋成日出去工作，所以都想保護番佢！」