李文潔隱世索女 自爆匿廁所開餐!

2021年05月17日 23:01
東網電視
更多新聞短片
曾參加《最後一屆口罩小姐選舉》、《美選D.n.A》和工展小姐,現職模特兒的李文潔(Liz),身材標青,但原來初入行做模特兒時,Liz是小肥妹,被人當面問是否懷孕,令她痛定思痛誓要改造自己,終於蛻變為美少女。
Liz自認無才藝無自信,當年參加美選,純粹陪朋友去參加誤打誤撞入了圍,朋友卻落選,不過當時美選並沒有太大回響。一直在模特兒圈發展的她,經常需要穿泳衣,索性創業開設泳衣網店,零贅肉兼40吋長腿,自己做生招牌,吸納了不少網民粉絲。
分享減肥心得
Liz自爆以前既肥胖,性格又害羞,試過為避開同學,小息匿在廁所吃麵包。她笑說:「其實以前比較肥,依家賣泳衣,更有動力做運動,因為鍾意着泳衣同曬太陽,就不如賣埋,最巔峰期體重130磅,依家110磅。(冇反彈過?)因為我唔係節食,唔靠食減肥藥,用最健康方法去減,靠運動、戒零食和垃圾食物,唔飲糖分高飲品。(受了刺擊去減肥?)嗰年啱啱做模特兒,接唔到工作,畀人問係咪大肚,因為有大肚腩,發覺只係做呼拉圈冇效,網上睇到啲人跑步同戒口減肥,自己跟住做3、4個月就開始瘦。」她說初做模特兒時,一邊做售貨員、一邊讀IVE,一年後便輟學,回想起來大感可惜,現在想多學新事物增值,因為太鍾意健身,故計劃考健身教練牌。
與周潤發同場
除了做模特兒外,Liz亦有興趣在演戲和主持方面發展,曾拍過《賭城風雲3》,與周潤發同場,她興奮地說:「我演女主角嘅閨密,拍婚禮戲,記得有發哥在場,好開心呀!場戲有爆破,我同幾個人要跳落水,我唔識游水,當時好緊張,發哥教我幾個方法,佢好nice。」現時她間中亦有主持帶貨直播,在鏡頭前暢所欲言,喜歡與人互動,她說:「向來鍾意同朋友分享,好多朋友問我點減肥點做運動,我唔係做運動好勁,相比朋友做多少少,會分享做運動嘅心路歷程。」
Profile
生日:2月26日
三圍:32B、24、33
高度:1米70
嗜好:健身、煮嘢食