考慮雪卵？胡定欣搵另一半要睇呢樣嘢

藝人胡定欣到場賀馬德鐘太太張筱蘭推出新書，問到她為何沒有上台作分享？她說因為自己不是素食者，但於短短2小時內的分享會中獲益良多，更對茹素產生興趣：「嚟緊自己都40歲，細細個對健康嘅認知唔多，鍾意食咩就食咩，但依家會注意多啲健康，亦都想透過藝人呢個身份，同啲年輕一代分享健康嘅重要性。」

問到可有飲食方面的壞習慣？她笑言不好煎炸食品，但鍾意食零食：「食煎炸嘢會影響皮膚，尤其開工嘅時候一定唔食，但本身鍾意食零食，所以每次行超市都盡量避開零食區。平時都鍾意同朋友摸吓酒杯底，不過會提醒自己唔可以過量，通常一班朋友食飯開心先會飲少少。」

同陳豪拜師學藝

講到她近日去好友陳豪間咖啡店學沖手工咖啡，她說是新興趣：「去內地拍《白色強人II》嘅時候要隔離2個星期，冇嘢做就上網自學沖手工咖啡，拍嗰陣又同陳豪交流，返嚟就拜師學藝。」冇留時間搵男友？她說順其自然：「要有健康嘅身體先可以做其他事。（趁身體狀況好考慮雪卵？）呢啲又係另一樣嘢，暫時未有打算，都係交番畀我自己處理啦！」