隔離都要見黃宗澤　吳卓羲原來平時唔着底褲？

藝人黃宗澤（Bosco）與吳卓羲（Ron）在中環為邵氏網劇《廉政狙擊》進行開鏡拜神儀式，兩人又再度合作，笑言已經數不清合作了多少次，問到會感到厭倦？Ron笑說：「依家有工開已經好開心，仲點會嫌棄。」Bosco笑說：「有嘢撈已經好開心，之前我哋喺深圳隔離，住樓上樓下都見唔到面，要特登伸個頭出窗先見到。」

Ron被笑問兩人不惜一切為見一面，會否太過癡纏？他笑說：「隔離好悶，想見到人個樣都好難，見到一面直情係眼淚心裏流。（驚唔驚傳出hehe情？）絕對唔會發生，大家有睇我哋嘅花邊新聞都知道，同埋我仲未看化世情，仲有求知欲嘅。」Bosco則笑謂大家出關一刻直情開心得互相擁抱。

Bosco飾演ICAC負責查案與跟蹤，他相當羨慕扮演富二代律師的Ron多室內戲，開工相當舒服，Ron則笑說：「大熱天時着住西裝開工，其實全身都濕透。（底褲都濕埋？）唔會，平時都唔着嘅，哈哈。」右手戴住護腕的他透露因拍攝電影開槍戲，令到手腕勞損，要多謝樂易玲新劇中不用他拍攝動作戲。