區瑞強2年零收入　搞音樂農莊蝕幾百萬

歌手區瑞強出席網上直播音樂會，透露疫情下做了幾場網上演唱會，而下月終將開騷，他表示：「我都2年冇開演唱會，今次好開心返番去文化中心開，我20年前已經喺嗰度開，但之後難book場，所以轉去伊館開，但伊館喺疫情下做咗檢測中心，又咁啱撈到文化中心呢2場嘅期。」他又希望演唱會可以為其創辦的音樂農莊籌款，坦言音樂農莊因疫情要停辦：「舊嘅音樂農莊用咗20幾30年，不過之前因為要還番地畀鄉民，所以我哋斥資起咗個新嘅音樂農莊，水、電、煤、基建全部要錢，點知起完之後就有疫情開唔到。（蝕咗幾錢？）幾百萬，好傷心，所以希望疫情之後可以重建返。」

他又透露除了音樂農莊，其音樂教室亦被迫停業，故坦言2年零收入：「電台嗰啲只係好微薄嘅人工，我會當係車馬費。」講到他與兒子做同一公司，他笑言「雙管齊下」零收入：「大家都係咁，所以冇得呻，我哋都唔大使嘅。」他又自爆其實有內地工作找他，但他不想隔離，故推了不少工作，待通關才算。