東網電視
更多新聞短片
因拍劇離港3個月的連詩雅（Shiga）日前終於返港，今晚（25日）現身電視城為《勁歌金曲》錄影，受訪時表示30幾歲人都未曾試過長時間離開屋企，問到身在異地最掛念誰？她先賣口乖指是傳媒，再說是屋企人、愛犬，追問有否掛住男友陳家樂？她抵死以愛犬扯開話題，「投訴」狗仔忘記了她：「佢依家黐媽咪多啲，自己有少少唔開心，其實都有擔心過佢一見到我會唔會吠，好彩冇！中間有試過同佢視像，不過佢冇乜反應，唔知發生咩事。（有同家樂視像？）我同好多人都視像，例如黃翠如同YoYo（陳自瑤）。（『520』你都同佢哋過，冇同家樂過？）佢哋對我都好重要，其實自己都唔記得呢個日子。（之後有表示番？）唔講啦！」
連詩雅繼續將感情事低調。
講到有傳他們感情轉淡冷戰中，Shiga坦言不想再回應感情事：「希望大家專注我嘅工作。（男友出活動有講你哋好穩定、生活愉快。）我都生活愉快，多謝大家關心！」再提到早前有傳港姐黃嘉雯介入二人的感情，她表示認識對方：「嗰陣選港姐係我揀佢做冠軍，希望遲啲有機會合作。」
連詩雅大晒長腿，幾性感！
