東網電視
更多新聞短片
廖慧儀大吐不快！
「狂野空姐」廖慧儀由參選港姐至今新聞多籮籮，自前男友Sam墮樓身亡後，她已轉移陣地主力做瑜伽導師維生。她在社交網發文透露遇到不快事，自爆被人跟蹤兼偷影，更直斥對方是垃圾，她留言：「垃圾，偷影完人我報警佢驚到跑走，問佢佢實話冇，但係死都唔打開電話，冇做過點解要跑幾條街走？」她更強調受害者一定要出聲，再補充說：「頭先明明見佢跟住我影我，我出聲問佢佢唔認。我只可以即刻報警，我好大聲叫佢唔好走，但最後冇人幫，畀佢衝紅燈走甩咗。」
她又直斥對方是變態：「我知道好多女仔都被戀態偷影過，只係有人遇到呢啲情況都選擇唔出聲，由得佢。但畀我再返番去嗰個Moment，我都會去出聲、去追。點解畀人任影、畀人跟蹤、畀人騷擾但唔出聲？依家咩年代？依家係被人影嗰個錯咩？」
廖慧儀鬧爆偷拍者係垃圾。
廖慧儀又話唔會啞忍。
廖慧儀新聞多多！
