周嘉洛暫別《愛回家》 吳偉豪戲份有增冇減

20210531
東網電視
更多新聞短片
憑處境劇《愛‧回家之開心速遞》「金城安」一角為人認識嘅藝人周嘉洛,最近暫別《愛》,孖住宅男女神陳瀅擔正新劇《痞子殿下》,而今日(31日)和明日(6月1日)兩日將播出佢演《愛》嘅最後兩集,其中與佢有不少對手戲嘅「大小姐」林淑敏就喺社交網大晒2人合照,並留言:「我只和你說再見,不和你說拜拜。因為我要等你把在外面學到的新事和領會,再回來教我!把在這裏學到的,在江湖上盡情發揮吧!」而周嘉洛亦冧爆表示:「蓮姐我愛你!」
此外,周嘉洛日前亦甫出與劇中一班「島大同學」嘅合照,指:「五年了,我冇大學嘅學歷,但我有個非一般嘅大學生涯。多謝島大,多謝電影學會,多謝你哋。」
隨着劇中的「島大」學生畢業,身為「島大」學生、之前捲入不雅片風波的吳偉豪,雖然和周嘉洛一樣「畢業」,但據知之後他依然會留在《愛》劇,戲份更是有增冇減。監製林建祥接受東網訪問時謂:「咁佢係會繼續拍嘅,不過近排比較少啲,陸續都會有番嘅!之後佢係會有新發展嘅,大家拭目以待。」