東網電視
更多新聞短片
無綫《明星奧運會》舉行在即，各方運動健將都不敢鬆懈，正當拳擊項目參加的藝人每天「晨操」備戰之時，藝人鄭俊弘（Fred）亦剛剛加入戰團，齊齊與謝東閔、羅孝勇、吳業坤等人集訓。
Fred接受東網訪問時表示以前都曾打拳，小時候學過中國功夫蔡李佛、國術，之後又學過西洋拳、泰拳，但由於很久沒有打，所以要從頭再來，他謂：「都幾有挑戰性，睇吓自己可唔可以兩星期內訓練到上擂台，羅孝勇係我哋當中最有經驗、最揪得嗰個，我都同謝東閔、吳業坤打過，佢哋個個都比我高，啲手比我長，自己會比較吃力啲。」
鄭俊弘學過蔡李佛、國術、西洋拳、泰拳。
不過佢都話自己打得吃力…
說到現時他正忙於拍攝新劇《凶宅清潔師》時，萬一有甚麼差池連不到戲就麻煩，他謂：「係呀！所以教練崔建邦都畀咗啲時間我考慮，其實如果唔夠時間練習，我都唔敢參加，事前我都同劇組研究過，佢哋依家盡量排我啲戲晏啲，因為每朝我哋都要訓練，都好多謝劇組配合。」而訓練多日的吳業坤之前表示對自己相當有信心，身形更操得甚有線條，明顯下過苦功。
吳業坤（左）操得幾弗！
不過最感恩係劇組為佢排晏啲開工嘅戲。
拳擊項目似乎係最多藝人參加。
