東網電視
更多新聞短片
藝人鄺潔楹重啟拍VLOG之路，拍片分享生活點滴。今次佢就以美食為主題，帶大家去日本餐廳食好嘢，見佢面對大堆日本美食，手卷、燒物、魚生毫不留情大大啖食，相當Enjoy。跟住又去咗朋友屋企打邊爐「烚吓烚吓」，真係好盡情！
鄺潔楹拍番VLOG喇！
鄺潔楹係咁食嘢！
繼續食！
放縱過後就出事喇！晨早七點熟睡期間皮膚敏感，搞到臉部痕癢、手臂更起晒粒粒，痕到要起身塗藥膏急求，見佢臉部紅腫兼「一撻撻」，兩隻手都遮唔住，佢見情況唔對路就即刻開車去睇急症！
搞到勁敏感！
原來係因為秋葵。
事後佢解釋原來一直對秋葵有敏感，睇番條片打邊爐期間真係有見到秋葵出現過，咁就出咗事啦！不過，佢就好為大家着想，喺社交網上載一張泳衣靚相，見佢坐喺沙灘度大晒白滑長腿，希望可以分散大家注意力，忘記佢塊敏感臉！
鄺潔楹晒番水着，分散大家注意。
