【最索星二代】關禮傑愛女關楓馨參加港姐博入行

港姐首輪面試，其中最受矚目嘅佳麗，一定係藝人關禮傑愛女關楓馨（Fabienne），現年26歲嘅佢已經完成碩士課程，佢唔止有學歷，仲樣子標致，一直被指係「最索星二代」之一，之前佢有講過想入行，但後來冇咗聲氣，最近喺疫市下創業開網店賣純素肉桂卷，以為佢放棄咗入行，原來喺影星張兆輝提名下，走咗去參加港姐，佢話父母都好支持佢參選。

身在內地拍劇的關禮傑受訪時表示一定支持愛女，問到之前一直有人游說Fabienne參選，為何今年才報名？他說：「有好多諗法嘅，佢今年碩士畢業，想完成晒學業先。而且今年以環保為主題，阿女係素食者，所以好配合。佢都26歲，我冇乜嘢擔心，但會講佢知到時會有正、反面批評，要有心理準備面對，當係一種磨練，希望佢上到台淡淡定定。」問到是否批准女兒入行？他表示要視乎女兒的決定，提到或有機會父女檔拍戲時，他打趣說：「我就嚟退休，等佢接我棒啦！」