做運輸兵！張子丰認幫陳瀅塞嘢入背囊

近日有傳陳瀅與唱片太子爺張子丰（Fred）拍拖，被目擊兩人跟何雁詩及賴慰玲等high tea，Fred今晚（11日）出席劇集活動時否認拍拖：「同佢本身係好朋友。（話你將陳瀅隨身物品放入自己背囊？）當日我係唯一一個有孭背囊，咁做係紳士風度，我都有幫其他人。（被人話你係『運輸兵』？）呢個名幾有趣，但當然被人話兵會唔開心，因為我哋係朋友。」

他續說和陳瀅只是朋友關係：「大家都識咗5、6年，係何雁詩介紹我哋識。當日只係我哋做過何雁詩結婚嘅姊妹團一齊約出嚟聚吓。（佢唔係你杯茶？）係好朋友關係。（有冇發展空間？）冇諗過，因為大家識得太耐，所以都係維持住好友關係。（話佢依家係單身？）我唔知，我哋好少講感情事。」