林作媽咪欽點！MIRROR「新女」原來選緊港姐

歐洲國家盃早幾日已經正式開波，有份免費轉播嘅ViuTV就為盛事衍生新節目《MIRROR EURO鬥GOAL FUN》助興，搵嚟台柱MIRROR外，更有兩位美女Bronte同丁丁一齊開騷，不過有眼利網友就發現原來Bronte係《2021香港小姐競選》參選佳麗之一！

翻查資料，依家19歲嘅Bronte本身姓霍，喺理工大學讀英文系，今次參選港姐更係由林作媽媽做提名人，助佢踏上演藝路，依家佢同時現身ViuTV節目及TVB選美，外形極盡甜美嘅佢表現斯文大方，未知星途如何呢？