61歲齊秦內地商演搵銀 唱4首歌出場費過百萬

2021年06月17日 11:07
東網電視
更多新聞短片
憑一曲《大約在冬季》走紅、現年61歲嘅台灣歌手齊秦,近年轉戰內地後曾成搶手貨,多次擔任大大小小歌唱選秀導師,不過近日有網友晒出喺某商場偶遇齊秦演出搵銀,當時齊秦走向觀眾席,與現場粉絲們熱情握手,明顯變老嘅佢發福示人,側邊睇佢誇張凸腩,件衫都被撐到變形,不過見佢狀態唔錯,商場亦圍滿觀眾。
視頻曝光後,有網友指佢曾經叱咤樂壇,如今卻淪落到商演呢種地步,又有人再晒出齊秦喺某公司慶典上演出視頻,就連着嘅衫都一模一樣。
不過唔好以為齊秦商演好慘,其實佢近年商演不僅冇降身價,反而演出費仲一路水漲船高, 2019年,齊秦3首歌演出費就高達60萬人民幣(約72萬港幣),依家齊秦商演價,更已跳到唱4首歌收高達100萬人民幣(約120萬港幣)出場費。