【冇意追女】鄭嘉穎做惡爸!陳凱琳爆2歲半大仔反叛扭計

2021年06月17日 16:01
東網電視
更多新聞短片
藝人陳凱琳(Grace)出席《仁濟關愛小領袖月捐及義工計劃》啟動禮,席間有仁濟醫院董事局主席黃楚淇。身為「仁濟慈善大使」的Grace表示之前與囝囝在街上見到有人賣旗,故之後有意與囝囝一起賣旗做善事。講到活動上與小朋友一起做手工,見她與身旁的小妹妹玩得很開心,問到可有意追個女?她笑言:「我同老公就冇乜,但身邊人就想,不過依家暫時湊兩個仔就啱啱好。」她又表示2歲多的大仔開始反叛:「有次出街佢扭計唔戴口罩,但我哋就唔出,佢就會即刻戴番口罩,識睇眉頭眼額。」又笑言由老公鄭嘉穎負責做壞人角色鬧囝囝:「有次喺停車場落車囝囝想周圍走,爸爸即刻話佢,搞到佢變咗壞人,咁佢鬧嘅時候我就會喺隔離唔出聲,但氹嘅時候就會一齊,總之會一致。」
她又表示已幫大仔搵定幼稚園:「想佢讀local學校,因為想佢學中文,我細個就去咗加拿大讀書,所以都有啲遺憾,又想佢自己搭校巴,學識獨立。」而講到父親節將至,她透露會一家人在家食飯,大仔就在學校學了首歌,到時會唱給爸爸聽,問她可有預備禮物?她笑言:「預備咗禮物畀我自己爸爸,因為唔想忽略佢,有次同佢去街我想買個銀包畀佢,但佢話貴,叫我唔好買,點知返到屋企之後媽咪同我講爸爸話幾鍾意個銀包,咁我就識做啦,所以就送咗畀佢,佢唔捨得仔女使錢,但又鍾意。」