甄子丹秘密去按摩！原來為咗生理需要

「宇宙最強」甄子丹撇甩老婆汪詩詩去按摩！近日出席上海國際電影節嘅子丹忙到癲，要去連場活動之餘，仲要為客串嘅電影做配音。「宇宙最強」都係人，佢就去咗一間好正嘅按摩店梳乎一下。見佢喺個人影片頻道上載咗條短片，從遠鏡影入去，見到子丹瞓喺張梳化度，個樣好享受，大家唔好心邪，原來佢因為頭痛發作，頂唔順先去按摩。不過佢呢條片真係呃得吓人，有網民仲問佢係咪去曳曳，子丹咁錫老婆當然冇啲咁嘅事啦！<br/><br/><br/><br/><br/>大家都知子丹彈琴了得，其實佢大女甄濟如（Jasmine）琴藝都有一手。子丹就同場加映阿女自彈自唱Lady GaGa金曲嘅短片，只見Jasmine着住白色的衞衣，下身搭配一條黑色褲，佢又紮住丸子頭，皮膚白皙透亮，五官遺傳媽咪優良基因。而佢唱歌時非常投入，又彈得流暢，令唔少網友議論紛紛，大讚Jasmine有才華，唔少人都覺得佢彈得又唱得，仲自薦叫甄子丹做岳父添！<br/>