東網電視
更多新聞短片
內地一線小生肖戰近月為話劇《如夢之夢》演出，尋日（20日）成都站第一場演出圓滿結束，之後佢就同一班台前幕後去食火鍋，不過肖戰人氣太高，凌晨食慶功宴時就「一呼百應」，吸引大批粉絲瘋狂圍堵火鍋店門口，造成混亂場面。
肖戰為話劇《如夢之夢》演出。
之後佢去慶功宴時，搞到粉絲瘋狂圍堵火鍋店門口。
同場食客忽然「如臨大敵」，不過見到明星都忍唔住要拍片放上網，點知就有網友發現坐喺肖戰對面嘅女仔竟然係女神李沁！雖然之前有人拍到李沁為話劇團送花籃，原來仲有親自去現場觀看演出，如今被發現佢同肖戰面對面聚餐，即傳出緋聞。
李沁被發現現身撐肖戰。
仲一齊坐打邊爐。
兩人曾喺劇集《慶餘年》有過合作，估唔到私下關係都咁好，不過粉絲就似乎唔睇好，不斷幫偶像平反，指佢哋只係友情，又大讚肖戰人緣好，連女神都做到好朋友。
肖戰粉絲好似唔多Buy佢哋嘅緋聞。
二人曾多次合作，更扮演情侶。
