同Anson Lo隻揪！羅浩銘糖膠玻璃插滿背脊嚇親人

「大隻仔」羅浩銘最近忙到暈，除了做劇集《凶宅清潔師》武指外，還為電影《假冒女團》任武指及演員，該片經已煞科，對於首度拍片兼且要拍動作戲的MIRROR成員Anson Lo表現如何？羅浩銘大讚夠勤力兼有天分：「佢好努力，由一張白紙，連拉筋都拉到V嘩鬼叫，到後期可以完成整個動作場面，學得真係好快。」

羅浩銘指該片最後一場戲就是他與Anson Lo對打，為了增加真實感，撞玻璃戲都要用厚身的糖膠玻璃：「因為第一次做電影武指，好想畀多啲嘢觀眾睇，所以設計咗好多動作場面，同埋撞玻璃戲，因為想加強真實感，所以叫道具組安排啲厚身嘅糖膠玻璃，點知原來都會插到肉，因為我拍嘅時候着件開背衫，結果成個背脊都插晒好尖嘅糖膠玻璃碎，有啲工作人員見我背脊花晒都嚇一嚇，但我呢啲嚟講都係無乜嘢，好小事。」